ബാലാമണിയമ്മ

ഏതിനെപ്പുല്‍കുവാനേതിനെ ചുംബിക്കാന്‍
മാതൃഹൃദയമേ! വെമ്പുന്നു നീ

ഇന്നു ബാലാമണിയമ്മയുടെ ജന്മ ദിനം.

സ്നേഹം,വാല്‍സല്യം,ആര്‍ദ്രത ഇവയെല്ലാം നിറഞ്ഞു തുളുമ്പുന്ന വരികളാണ് ബാലാമണിയമ്മയുടെ കവിതകള്‍..  . . മാതൃ ഭാവവും ശൈശവ നിഷ്കളങ്കതയും മനോഹരമായി അവതരിപ്പിക്കുന്ന രചനകള്‍..  മാതൃ വാത്സല്യത്തിന്റെ ചൂട് പകര്‍ന്ന ആ കവിതകള്‍ ഒരു താരാട്ടു പോലെ ഇന്നും മലയാളികള്‍ ചൊല്ലുന്നു. പക്ഷെ അതിനുമപ്പുറം ദേശഭക്തിയും ദാര്‍ശനികതയും തുളുമ്പുന്ന വരികളുംആതൂലികയില്‍വിരിഞ്ഞു. വിഭീഷണനെ കുറിച്ചും, മഹാബലിയെകുറിച്ചുമെല്ലാം കവിതകള്‍ എഴുതി വിവിധ തലങ്ങളിലേക്ക് തന്‍റെ കാവ്യ സപര്യ വ്യാപിപ്പിച്ചു.

"വിട്ടയയ്ക്കുക കുട്ടില്‍ നിന്നെന്നെ ഞാന്‍ ഒട്ടു വാനില്‍ പറന്നു നടക്കട്ടെ"

"ഏതുകല്ലെങ്ങോട്ടെറിഞ്ഞതുമെങ്കല്‍ത്താന്‍ തുള-

ച്ചേറി മാലിന്യങ്ങളെക്കഴുകും നിണം ചോര്‍ത്തൂ"

 ഇങ്ങനെ എന്നും വായനക്കാരുടെ മനസ്സില്‍ തങ്ങി നില്‍ക്കുന്ന എത്രയോ കവിത ശകലങ്ങള്‍

പരമ്പരാഗതമായ ചുറ്റുവട്ടങ്ങളില്‍ ജീവിച്ച അവര്‍ ഒരിക്കലും അതിന്‍റെ വേലിക്കെട്ടുകള്‍ ഭേദിച്ച് പുറത്തേക്കു വന്നില്ല,പക്ഷെ തന്‍റെ കവിതകളില്‍ വ്യക്തമായ സ്ത്രീത്വം അവര്‍ അവതരിപ്പിച്ചു ജീവിതത്തിന്റെ അഗാധത വെളിവാക്കുന്ന കവിതകള്‍ എഴുതിപക്ഷെ അതൊരിക്കലും വിഗ്രഹ ഭാജനമോ പാരമ്പര്യത്തിന്റെ ചട്ട കൂടുകളെ പൊളിച്ചെഴുത്ത് നടത്തുന്നതോ ആയിരുന്നില്ല.

തന്‍റെകവിതഭര്‍ത്താവും പത്രാധിപരും ആയിരുന്ന വി.എം. നായര്‍നശിപ്പിച്ചു എന്നോരിക്കല്‍ അവര്‍ പറഞ്ഞിട്ടുണ്ട്‌.എങ്കിലും ഇത്തരം സന്ദര്‍ഭങ്ങള്‍ പോലും ഒരു കലഹമാക്കി അവര്‍ മാറ്റിയില്ല.(കാശ്മീര്‍ കാശ്മീരികള്‍ക്ക് വിട്ടുകൊടുക്കണം എന്ന അര്‍ഥത്തില്‍ എഴുതിയ കവിത ഭര്‍ത്താവായ വി.എം. നായര്‍ നശിപ്പിച്ച കാര്യം അവര്‍ ബാലചന്ദ്രന്‍ ചുള്ളിക്കാടിനോട് വെളിപ്പെടുത്തിയിട്ടുണ്ട്)

1909 ജൂലായ് 19 നാലപ്പാട്ട് തറവാട്ടിൽ ബാലാമണിയമ്മ ജനിച്ചു.ഔപചാരിക വിദ്യാഭ്യാസമൊന്നും ലഭിച്ചിരുന്നില്ല.സാഹിത്യകാരന്‍ ആയിരുന്ന അമ്മാവന്‍ നാലപ്പാട്ട് നാരായണമേനോന്‍ആയിരുന്നു എഴുത്തിന് പ്രചോദനം ആയത്.

1930 ല്‍ പുറത്തിറങ്ങിയ കൂപ്പുകൈ ആണ് ബാലാമണിയമ്മയുടെ ആദ്യ കൃതി.അമ്മ,കുടുംബിനി,ധര്‍മമാര്‍ഗത്തില്‍,സ്ത്രീഹൃദയം,പ്രഭാങ്കുരം,ഭാവനയില്‍ , ഊഞ്ഞാലില്‍,കളിക്കൊട്ട,വെളിച്ചത്തില്‍,അവര്‍ പാടുന്നു , പ്രണാമം,ലോകാന്തരങ്ങളില്‍,മുത്തശ്ശി,അമ്പലത്തില്‍(1967), നഗരത്തില്‍,വെയിലാറുമ്പോൾ,അമൃതംഗമയ,നിവേദ്യം,മാതൃഹൃദയം തുടങ്ങിയവയാണ് അവരുടെ പ്രമുഖമായ കൃതികള്‍.

കൊച്ചി മഹാരാജാവായിരുന്ന പരീക്ഷിത്ത് തമ്പുരാനില്‍നിന്നും 1947ല്‍ സാഹിത്യനിപുണബഹുമതി നേടിയിരുന്നു.കേന്ദ്ര സംസ്ഥാന സാഹിത്യ അകാദമി പുരസ്ക്കാരങ്ങള്‍,എഴുത്തച്ഛന്‍ പുരസ്‌കാരം,രാജ്യത്തെ പരമോന്നത സാംസ്‌കാരിക പുരസ്‌കാരമായ സരസ്വതി സമ്മാന്‍ അങ്ങനെ അനവധി ബഹുമതികള്‍ അവരെ തേടിയെത്തി. 1987-ല്‍ രാജ്യം പദ്മഭൂഷണ്‍  നല്‍കി ആദരിച്ചു.

മാതൃഭൂമി'യുടെ മാനേജിങ് ഡയറക്ടറും മാനേജിങ് എഡിറ്ററുമായിരുന്ന വി.എം. നായര്‍ ആയിരുന്നു അവരുടെ ഭര്‍ത്താവ്.മലയാളത്തിന്‍റെ പ്രിയ എഴുത്തുകാരി മാധവികുട്ടി ,ഡോ. മോഹൻദാസ്, ഡോ. ശ്യാം സുന്ദർ, ഡോ. സുലോചന നാലപ്പാട് എന്നിവരാണ്‌ മക്കള്‍..

2004 സെപ്റ്റംബർ 29-നായിരുന്നു മലയാളത്തിന്റെ പ്രിയപ്പെട്ട കവയത്രി അന്തരിച്ചത്‌

ആടുകെന്നൂഞ്ഞാലേ!മുന്നോട്ടും പിന്നോട്ടു-
മാവര്‍ത്തിച്ചാലും നിന്‍മുഗ്ദ്ധലാസ്യം.
നിന്നില്‍ നിന്നുച്ചലിയ്ക്കാവൂ സദാനന്ദ-
ത്തിന്നൂഷ്മളോച്ച്വാസനിശ്വാസങ്ങള്‍.
നിന്‍ചുറ്റും നിന്നു തിമിര്‍ക്കാവൂ കാലത്തിന്‍
പിഞ്ചോമല്‍പ്പൈതങ്ങള്‍ നാഴികകള്‍.""" ""

(ഊഞ്ഞാലിന്മേല്‍ -ബാലാമണിയമ്മ )

കവിതകള്‍ ഓര്‍ക്കുന്നതില്‍ വളര പിന്നിലാണ് ഞാന്‍... സത്യം പറഞ്ഞാല്‍ സ്കൂള്‍ കോളേജ്‌ കാലത്ത്‌ പഠിച്ച ഒരു കവിത പോലും എനിക്ക് ഓര്‍മ ഇല്ല.ആകെ ഓര്‍മ ഉള്ളത്‌ ആറാം ക്ലാസ്സില്‍ പഠിച്ച ഈയൊരു കവിത മാത്രം,ബാലാമണിയമ്മ എഴുതിയ ഈ കവിതയിലെ  പിഞ്ചു ബാല്യത്തിന്റെ നിഷ്കളങ്കത അവതരിപ്പിക്കുന്ന ഈവരികള്‍ ഇന്നും മനസ്സില്‍ മായാതെ നില്‍ക്കുന്നു.

എന്തെങ്കിലും തെറ്റുണ്ടെങ്കില്‍ ക്ഷമിക്കുക

ഉമ്മറകല്ലില്‍ തനിചിരുന്നെന്തിനോ
വിമ്മിക്കരയുമാ പൈതലിനെ
ഉറ്റുനോക്കിക്കൊണ്ടിര്‍ക്കും എന്നോമന
കുട്ടന്‍റെ അന്പോലും കണ്ണിനയില്‍
നിന്നു ഒന്നുരണ്ടു അശ്രു കണങ്ങള്‍ പതിച്ചു
ഈ മൌക്തികങ്ങള്‍ പതിക്കട്ടെ  നിസ്വരി ലോമനെ
നിന്‍ കണ്ണില്‍ നിന്നും വീണ്ടും
അത്തലിരുട്ടില്‍ വെളിചോമോട്ടെകുവാന്‍
അത്ര ശക്തങ്ങളീ നക്ഷത്രങ്ങള്‍

എഡ്വാര്‍ഡ് സ്നോഡന്‍

നമ്മുടെ വാര്‍ത്തകളില്‍ കഴിഞ്ഞ കുറെ ദിവസമായി നിറഞ്ഞു നില്‍ക്കുന്ന പേരാണ് എഡ്വാര്‍ഡ് സ്നോഡന്‍.. രണ്ടു വന്‍ ശക്തികളുടെ ഇടയില്‍ ശീതസമരം തന്നെ സൃഷ്ടിച്ച ചെറുപ്പക്കാരന്‍.

ലോകം മുഴുവന്‍ ഉള്ള ആളുകളുടെ സ്വകാര്യത ചോര്‍ത്തി എടുക്കുന്ന അമേരിക്കന്‍ നയത്തിന്‍റെ ഉള്ളുകളികള്‍ പുറത്തു വിട്ട ചെറുപ്പക്കാരന്‍.

അമേരിക്കന്‍ ചാര സംഘടന ആയ CIA  സുരക്ഷ ഏജന്‍സി ആയ  NSA എന്നിവയില്‍ കരാര്‍ അടിസ്ഥാനത്തില്‍ ജോലി ചെയ്ത കമ്പ്യൂട്ടര്‍ വിദഗ്ദന്‍ ആയിരുന്നു സ്നോടന്‍.. . സെക്കന്ററി വിദ്യാഭാസം പോലും ശെരിയായ രീതിയില്‍ പൂര്‍ത്തിയാക്കിയിട്ടില്ലാത്ത സ്നൌടെന്‍ കമ്പ്യൂട്ടര്‍ സാങ്കേതിക വിദ്യയില്‍ അഗ്രഗണ്യന്‍ ആയിരുന്നു.ഈ മികവാണ് അയാളെ ആദ്യം NSA യിലും പിന്നീട് CIA യിലും ഉയര്‍ന്ന ശമ്പളത്തില്‍ ജോലി നേടികൊടുത്തത്.വിവിധ കണ്സല്തന്റ്റ്‌ സ്ഥാപങ്ങളുടെ ജോലിക്കാരന്‍ എന്ന നിലയില്‍ ആയിരുന്നു ജോലി അല്ലാതെ നേരിട്ടുള്ള നിയമനം ആയിരുന്നില്ല.

ആളുകളുടെ സ്വകാര്യതയിലേക്ക് കടന്നു കയറി അവരുടെ വിവരങ്ങള്‍ ചോര്‍ത്തി എടുക്കുന്ന അമേരിക്കന്‍ സുരക്ഷ ഏജന്‍സികളുടെ വികൃത മുഖം ആണ് അവരുടെ തന്നെ ഒരു ഉപകരണം ആയിരുന്ന സ്നൌടെന്റെ വെളിപ്പെടുതലുകളോട് കൂടി പുറത്തു വന്നത്.വിവാദമായ പ്രിസം പദ്ധതി,ടെലിഫോണ്‍ ചോര്തലുകള്‍ എന്നിവയിലുടെ ഒക്കെ അമേരിക്കന്‍ ഏജന്‍സികള്‍ വിവരം ചോര്തുന്നതിനെ പറ്റിയും താന്‍ അതിനു വേണ്ടി എങ്ങനെയൊക്കെ പ്രവര്‍ത്തിച്ചു എന്നും സ്നൌടെന്‍ വെളിപ്പെടുത്തിയപ്പോള്‍ ലോകം ഞെട്ടി.സ്വന്തം പൌരന്മാരുടെ വിവരം അമേരിക്ക ചോര്‍ത്തുന്നു എന്നത് എല്ലാവര്‍ക്കും അറിയാം എങ്കിലും ലോകത്തുള്ള ആരുടെയും വിവരങ്ങള്‍ അവരുടെ ഇന്റെര്‍നെറ്റിലെ വിവിധ സ്വകാര്യ ഉറവിടങ്ങളില്‍ നിന്നും ചോര്‍ത്തുന്നു എന്നത് ഏറെ വിവാദം സൃഷ്ടിച്ചു കൊണ്ടിരിക്കുന്നു.

ഗൂഗിള്‍ യാഹു, മൈക്രോ സോഫ്റ്റ്, ഫേസ്ബുക്ക് തുടങ്ങിയ ഇമെയില്‍  സോഷ്യല്‍ നെറ്റ്‌വര്‍ക്ക് സര്‍വ്വറുകളിലേക്ക് യഥേഷ്ടം കടന്നു കയറാനുള്ള രഹസ്യ സംവിധാനത്തിനു US ഏജന്‍സികള്‍നല്‍കിയ ഓമനപേരാണ് പ്രിസം പദ്ധതി. അതെ പോലെ തന്നെ അമേരിക്കയും അതിനേക്കാള്‍ മോശമായി ബ്രിടനും കൈകാര്യം ചെയുന്ന മറ്റൊരു പദ്ധതി ആണ് ടെമ്പോറ.പ്രധാനമായും ബ്രിട്ടീഷ്‌ കമ്മ്യൂണിക്കെഷന്‍ ഹെഡ് കര്റെര്സ് ( GCHQ)ആണ് ഇതിനു പിന്നില്‍.200  20

2011 മുതല്‍ തുടങ്ങിയ ഈ സംവിധനതിളുടെ വ്യക്തികളുടെ ടെലിഫോണ്‍ സംഭാഷങ്ങള്‍,ഇമെയില്‍ സന്ദേശങ്ങള്‍ എല്ലാം ചോര്തപ്പെടുന്നു.ഇതു അരുടെതുമാകം.GCHQ ചോര്‍ത്തുന്ന വിവരങ്ങള്‍ അവര്‍ അമേരിക്കന്‍ ഏജന്‍സികളുമായി പങ്കുവെക്കുന്നു.

പക്ഷെ അമേരിക്കന്‍ രഹസ്യ അനേഷണ ഏജന്‍സികളുടെചരിത്രത്തില്‍ ഉണ്ടായ ഏറ്റവും വലിയ വിവര ചോര്ച്ചയോടെയാണ് ബ്രിടനിലെ ഗാര്‍ഡിയന്‍ ദിനപത്രം ഈ വിവരങ്ങള്‍ പുറത്തു വിട്ടത്‌...ഗ്ലെന്‍ ഗ്രീന്‍വാള്‍ഡ് എന്ന ഗാര്‍ഡിയന്‍ ലേഖകന്‍ സ്നോവേടനുമായി നിരന്തര സമ്പര്‍ക്കം പുലര്‍ത്തിയ ശേഷം ആയിരുന്നു.

പക്ഷെ ഒടുവില്‍ തന്‍റെ പേരു വെളിപ്പെടുത്താന്‍ സ്നോഡന്‍ തന്നെ അവരോടു പറയുക ആയിരുന്നു.താന്‍ വിവിധ വിവരങ്ങള്‍ എങ്ങനെ ചോര്‍ത്തി,തന്‍റെ പ്രവര്ത്നഗല്‍ എല്ലാം സ്നോഡന്‍ വെളിപ്പെടുത്തി. ""I don't want to live in a society that does these sort of things""ഇതായിരുന്നു സ്നോഡന്‍ അതിനു കാരണമായി പറഞ്ഞത്‌. ഒരു തെറ്റ് ചെയ്തവന്റെ പശ്ചാത്താപം മാത്രമായി ഇതിനെ കാണരുത്.സ്നോഡന്‍ ഒരു ഉപകരണം.അമേരിക്കക്ക് ഇതല്ലെന്കില്‍ വേറൊരു സ്നോഡന്‍. പക്ഷെ സ്നോഡന്‍ ലോകത്തിനോട് പറയാന്‍ കാട്ടിയ ചങ്കൂറ്റം അംഗീകരിച്ചേ പറ്റൂ.

താന്‍ ചെയ്ത തെറ്റുകള്‍ വിളിച്ചു പറയാന്‍ സ്നൌടെന്‍ കാണിച്ച സാഹസികത അപാരം ആണ്.ഇത്തരക്കാരെ അമേരിക്ക എങ്ങനെ കൈകാര്യം ചെയ്യുന്നു എന്ന് ഉത്തമ ബോധ്യം ഉള്ള സ്നൌടെന്‍ എന്നിട്ടും അതിനു തയ്യാറായി.ഉയര്‍ന്ന ശമ്പളം കുടുംബം ഇതിനെ എല്ലാം ഉപെഷിച്ചാണ് സ്വന്തം ജീവിതം പോലും അപകടത്തില്‍ ആക്കി കൊണ്ട് ഇത്തരം ഒരു വെല്ലുവിളി ഏറ്റെടുത്തത്.രഹസ്യ അനെവ്ഷണ വിവരങ്ങള്‍ ഏതെന്കിലും രാജ്യത്തിനു ചോര്‍ത്തി നല്‍കിയാല്‍ തന്നെ കോടി കണക്കിന് രൂപ സമ്പാദിക്കാം എന്നുണ്ടായിട്ടും അതിനു തയാറാകാതെ ഈകാര്യം ലോകത്തിനു മുന്‍പില്‍ വെളിപ്പെടുത്താന്‍ തയ്യാറായത്‌ ഏറെ സ്വാഗതാര്‍ഹം ആണ്.

സ്നോഡന്‍. പ്രതീഷിച്ച പോലെ തന്നെ അമേരികയുടെ പ്രതികരണം രൂക്ഷം ആയിരുന്നു.ആദ്യം ഹോങ്ങ്കൊന്കില്‍ അഭയം കണ്ട സ്നൌടെന്‍ അവിടുന്ന് റഷ്യയില്‍ എത്തി.അവിടെ നിന്നും വിട്ടുകൊടുക്കണം എന്നാ അമേരിക്കന്‍ ആവശ്യം റഷ്യ തള്ളി.ക്യൂബ ഇക്കിടോര്‍ എന്നീ രാജ്യങ്ങളില്‍ ഒന്നു സ്നൌടെനു അഭയം നല്‍കും എന്നാണ്  ഇപ്പോള്‍ കരുതുന്നത്.

വിഴിഞ്ഞം സ്വപ്നങ്ങള്‍ക്ക് മേല്‍ കരിനിഴല്‍ വീഴുമ്പോള്‍

കേരളത്തിൻറെ വികസന  കുതിപ്പിൽ  നിര്ണായക വഴിത്തിരുവുകൾ സൃഷിടിക്കാവുന്ന നമ്മുടെ സാമ്പത്തിക  തൊഴിൽ മേഖലകളിൽ ദൂര വ്യപകമായ മാറ്റങ്ങൾ ഉണ്ടാക്കാവുന്ന വിഴിഞ്ഞം പദ്ധതി അനവധി  കാരണങ്ങൾ കൊണ്ട് ഇന്നും തുടങ്ങിയടുത് തന്നെ  നില്ക്കുന്നു

സംസ്ഥാന  തലസ്ഥാനമായ തിരുവനതപുരത്ത് നിന്നും കേവലം  പതിനാറു കിലോമീറ്റർ മാത്രം മാറി സ്ഥിതി ചെയുന്ന നിര്ദിഷ്ട  വിഴിഞ്ഞം തുറമുഖം പ്രകൃതി ദത്തമായ സവിശേഷതകൾ കൊണ്ട് തന്നെ വലിയ അന്താരാഷ്ട്ര തുറമുഖം ആകാനുള്ള നിരവധി സാദ്ധ്യതകൾ ആണുള്ളത്

വിഴിഞ്ഞത്തിന് പ്രകൃതി ദത്തമായുള്ള സവിശേഷതകൾ അനവധിയാണ് .അന്താരാഷ്ട്ര കപ്പൽ ചാലിൽ നിന്നും പന്ത്രണ്ടു നൌട്ടിക്കൽ മൈല്‍ മാത്രം അകലത്തിലാണ്. കൂടാതെ തീരത്ത്നിന്നു ഒരു നൌട്ടിക്കൽ മൈല്‍ അകലത്തില്‍ തന്നെ ഇരുപത്‌ മീറ്റര്‍ ആഴവും ഉണ്ട്.അതുകൊണ്ട് തന്നെപുതിയ തുറമുഖം നിര്‍മിക്കുമ്പോള്‍ ആവശ്യമായഅടിസ്ഥാന സൌകര്യ വികസനചിലവുകളില്‍ വന്‍ കുറവ് ഈ പദ്ധതിക്ക് ഉണ്ടാകും.പേര്‍ഷ്യന്‍ ഗള്‍ഫ്‌ സമുദ്ര പാതയില്‍ നിന്നും കേവലം പന്ത്രണ്ടു നൌട്ടിക്കൽ മൈല്‍ അകലെ മാത്രമാണ് വിഴിഞ്ഞം.ലോകത്തിലെ സമുദ്ര ചരക്കു നീകതിന്റെ മൂന്നില്‍ ഒന്നും ഈ പാതയിലൂടെയാണ്

ഇത്രയധികംസവിശേഷതകള്‍ ഉള്ള,രാജ ഭരണ കാലത്ത് തന്നെ ആലോചനകള്‍ നടന്ന ഈ പദ്ധതി യഥാര്ത്യമാക്കാനുള്ള ശ്രമം കേരളം പിറന്നു അര നൂറ്റാണ്ട് കഴിഞ്ഞാണ് എന്നതും ഏറെ അച്ഛര്യകര്യം

2001-06 കാലത്തെ UDF സര്‍കാരിന്റെ കാലത്താണ് പദ്ധതി യഥാര്ത്യമാകാനുള്ള ശ്രമം തുടങ്ങിയത്.2006 ല്‍ ഉമ്മന്‍ചാണ്ടി മുഖ്യമന്ത്രി ആയിരുന്നപ്പോള്‍ പദ്ധതിയുടെ തറക്കല്ലിടല്‍ വരെ നിശ്ചയിച്ചു, എന്നാല്‍ തിരഞ്ഞെടുപ്പ് പ്രകിയ്പിച്ചതിനാല്‍ നടന്നില്ല.മുംബൈ ആസ്ഥാനമായുള്ള Zoom Developers ഉള്‍പ്പെട്ട കാന്‍സോര്‍ഷ്യം ആണ് കരാര്‍ നേടിയത്‌.എന്നാല്‍ ഈ കാന്സോര്ഷിയത്തില്‍ ചൈനീസ് കമ്പനി ഉള്ളതിനാല്‍ കേന്ദ്ര പ്രതിരോധ മന്ത്രാലയം പിന്നീട് ഈ പദ്ധതിക്കുള്ള അനുമതി നിഷേടിച്ചു.

പിന്നീട് വന്ന LDF  സര്‍ക്കാര്‍ വീണ്ടും ടെന്ടെര്‍ ക്ഷണിച്ചു.ഹൈദരാബാദ് ആസ്ഥാനമായുള്ള lanco kondappally ആയിരുന്നു ടെന്ടെര്‍ നേടിയത്‌. കേരള രാഷ്ട്രീയത്തില്‍ പദ്ധതി ഏറെവിവാദമായത്‌ ഈ സമയത്താണ് സര്‍ക്കാരിനു അങ്ങോട്ട്‌ പണം നല്‍കുന്ന നെഗറ്റീവ് ടെന്ടെര്‍ ആണ് ലാന്‍കോ നല്‍കിയിരുന്നത്.എന്നാല്‍ വന്‍തോതില്‍ ഭൂമി അതിന്റെ പേരില്‍ അവര്‍ ആവശ്യപ്പെട്ടത്‌ വിവാദങ്ങളുടെ ആക്കം കൂട്ടി.പ്രതിപക്ഷം അഴിമതി ആരോപണം നടത്തി.zoom Developers അവരുടെ റെന്ടെര്‍ പരിഗനിക്കാതത്തിനു കോടതിയില്‍ പോയതോടെ പദ്ധതി കോടതി കയറി.ഹൈ കോടതിയും പിന്നീട് സുപ്രീംകോടതിയും അവരുടെ റെന്ടെര്‍ പരിശോടികക്ന്‍ ഉത്തരവിട്ടു.അങ്ങനെ ചീഫ് സെക്രടറി അധ്യഷനായ സമിതി വീണ്ടും റെന്ടെര്‍ പരിശോദിച്ചു.സമിതി സൂമിന്റെ റെന്ടെര്‍ തള്ളി,പക്ഷെ അപ്പോഴേക്കും വിലപെട്ട ഒരു വര്ഷം നഷ്ടപ്പെട്ടിരുന്നു.

അതിനേക്കാള്‍ രസകരം നിയമ യുദ്ധങ്ങളിലെ വിജയത്തിന് ശേഷം റെന്ടെര്‍ ലഭിച്ച ലാന്‍കോ പദ്ധതിയില്‍ നിന്നും പിന്മാറിയതാണ്

ഇതിനിടയില്‍ പദ്ധതി നടത്തിപ്പിനായി വിഴിഞ്ഞം സീ പോര്‍ട്ട്‌ ഇന്റര്‍നാഷണല്‍ ലിമിറ്റഡ്  എന്ന പേരില്‍ പദ്ധതി നടത്തിപ്പിനായുള്ള കമ്പനി സര്‍ക്കാര്‍ യഥാര്ത്യമാക്കി.നൂറു ശതമാനം സര്‍ക്കാര്‍ ഉടമസ്ഥതയില്‍ സ്പെഷ്യല്‍ പുര്‍പോസ് കമ്പനി ആയിട്ടായിരുന്നു ഇതു രൂപികരിച്ചത്

ലാന്‍കോ പിന്മാറിയതോടെ സര്‍ക്കാര്‍ വീണ്ടും റെന്ടെര്‍ ക്ഷണിച്ചു എന്നാല്‍ യോഗ്യരായ അപേഷകര്‍ ഇല്ലാത്തതിനാല്‍ നടപടികള്‍ ഉപെഷിക്കേണ്ടി വന്നു.അങ്ങനെയാണ് പദ്ധതിയുടെ നടത്തിപ്പില്‍ അടിമുടി മാറ്റം വരുത്താന്‍ സര്‍ക്കാര്‍ തീരുമാനിച്ചത്‌.തുടര്‍ന്നു ഇന്റര്‍നാഷണല്‍ ഫിനാന്‍സ് കോര്പോരറേന്‍  (IFC) യെ കന്സുല്ടന്റ്റ് ആയി നിയമിച്ചു.

VISL,ഉം സര്‍ക്കാരും ചേര്‍ന്ന് പദ്ധതിയുടെ അടിസ്ഥാന സൌകര്യങ്ങള്‍ ഒരുക്കുംപദ്ധതിക്ക് ആവശ്യമായ ഭൂമിയും സര്‍ക്കാര്‍ ഏറ്റെടുത്ത്‌.തുറമുഖ നടത്തിപ്പിന് സ്വകാര്യ പങ്കാളിയെ തേടുകയും ചെയ്യും.ഇതാണ് IFC വിഭാവനം ചെയ്ത ലാന്‍ഡ്‌ ലോര്‍ഡ്‌ മോഡല്‍.  റെന്ടെര്‍ വിളിക്കാനുള്ള നടപടികളും അക്കാലത്തെ (2010) ആരംഭിച്ചു.

അടിസ്ഥാന സൌകര്യ വികസനത്തിനും ഭൂമി എത്റെടുക്കളിനുമായി ആദ്യ ഖട്ടത്തില്‍ 3040 കോടി ആയിരുന്നു ചെലവ് കണക്കാക്കിയത്‌.ഇതില്‍ 1130 കോടി സര്കരും ബാക്കി തുക SBT ഉള്‍പ്പെട്ട ബാങ്കുകളുടെ കാന്സോര്ഷിയവും ലഭ്യമാക്കാന്‍ തീരുമാനിച്ചു.അങ്ങനെ ഇടതു സര്‍ക്കാര്‍ പദ്ധതിയില്‍ ചെറിയ പുരോഗതി അവരുടെസര്‍കാരിന്റെ അവസാന ഖട്ടത്തില്‍ നടപ്പാക്കി

പുതിയ സര്‍ക്കാര്‍ വന്നതിനു ശേഷം പദ്ധതിയുടെ രൂപ രേഖയില്‍ കുറെ മാറ്റങ്ങള്‍ വരുത്തി .കൂടാതെ പാരിസ്ഥിതിക പഠനത്തിന് L&T യെ ചുമതലപ്പെടുത്തി.

പക്ഷെ ഏറ്റവും രസകരമായ കാര്യം ഇതുവരെയും റെന്ടെര്‍ നടപടികളിലേക്ക് കടക്കാന്‍ കഴിഞ്ഞില്ല എന്നതാണ് അഥവാ നിരവധി നൂലാമാലകളില്‍ കുടുങ്ങി പദ്ധതി അതിന്‍റെ തുടക്കത്തില്‍ തന്നെ പാളുന്നു എന്നതാണ്.

ഈ പദ്ധതി എന്തുകൊണ്ട് വൈകുന്നു എന്ന് പരിശോടിക്കുംപോള്‍ നിരവധി കാരണങ്ങള്‍ കാണാന്‍ കഴിയും

ഇതിനു വേണ്ടി പരിശ്രമിച്ച മന്ത്രിമാരുടെ ആത്മാര്തടതയെ ചോദ്യം ചെയുന്നില്ല പക്ഷെ പദ്ധതി തുടങ്ങാന്‍ തീരുമാനിച്ചപ്പോള്‍ മുതല്‍ തുറമുഖ വകുപ്പ് കൈകാര്യം ചെയ്ത നാലുമന്ത്രിമാര്‍ക്കും ( എം വി രാഘവന്‍, എം വിജയകുമാര്‍, വി സുരേന്ദ്രന്‍ പിള്ള, കെ ബാബു) അനദ്രിശ്യമായ ഭരണ മികവ് പ്രകടിപ്പിക്കാനോ ഇതിന്‍റെ പ്രതിബന്ധങ്ങളെ തരണം ചെയ്യണോ കഴിഞ്ഞിട്ടില്ല.അതുപോലെ തന്നെ ഈ പദ്ധതിയുടെ ചുമതലക്കാരന്‍ ആയി ഒരു മികച്ച IASഉദ്യോഗസ്ഥന്‍ ഉണ്ടാവുകയോ ചെയ്തില്ല.നിരവധി ഉദ്യോഗസ്ഥര്‍ ഇതിന്റെ ചുമതലക്കാരന്‍ ആയി വന്നു ഇതില്‍ എല്‍ രാധാകൃഷ്ണന്‍ ഒഴികെ ആരും കഴിവ് തെളിയിച്ചവര്‍ ആയിരുന്നില്ല.ഈ തരുനത്തില്‍ നെടുമ്പാശ്ശേരി വിമാനത്താവളം യഥാര്ത്യമാക്കാന്‍ വിജെ കുര്യന്‍ വഹിച്ച പങ്കും അതുപോലെ ഉള്ള ഒരു ഉദ്യോഗസ്ഥന്റെ അസാനിധ്യം വിഴിഞ്ഞം പദ്ധതിയില്‍ ഉള്ളതും ശ്രദ്ധേയം.

പദ്ധതിക്ക് എതിരെ ഉള്ള അന്താരാഷ്ട്ര ഗൂഢാലോചന അതാണ് മറ്റൊരു വെല്ലുവിളി.വിഴിഞ്ഞം യഥാര്ത്യമായാല്‍ കൊലോമ്പോ തുറമുഖത്തിന് ആയിരിക്കും വെല്ലുവിളി,അതിനു അനുസരിച്ചുള്ള എതിര്‍പ്പുകള്‍ അതിജീവിക്കാന്‍ നമുക്ക് കഴിയണം.

ശക്തരായ തമിഴ് രാഷ്ട്രീയക്കാര്‍ തൂത്തുക്കുടി തുരമുഖതിനായി നടത്തുന്ന കൊണ്ട് പിടിച്ച ശ്രമങ്ങളാണ് മറ്റൊരു വെല്ലുവിളി.

കേന്ദ്ര ബജറ്റ്ല്‍ തൂത്തുക്കുടി പദ്ധതിക്കായി കൂടുതല്‍ വിഹിതം നല്‍കുമ്പോള്‍ വിഴിഞ്ഞത്തെ അവഗണിക്കുകയാണ്.നിര്‍ദിഷ്ട സേതു സമുദ്രം,കുളച്ചല്‍ പദ്ധതികളും വിഴിഞ്ഞത്തിന് വെല്ലുവിളി തന്നെ

വിഴിഞ്ഞത് തന്നെ ഉള്ള ടൂറിസം ലോബ്ബ്യുടെ എതിര്‍പ്പാണ് മറ്റൊരു വെല്ലുവിളി.അവര്‍ പല തരത്തില്‍ പദ്ധതിക്ക് തുരങ്കം വെക്കാന്‍ ശ്രമിക്കുന്നുണ്ട്.ഇവര്‍ക്ക് പിന്തുണ നല്‍കിയിരുന്ന ഒരു ഉയര്‍ന്ന ഉദ്യോഗസ്ഥന്‍ ഇതിന്റെ തുടകത്തില്‍ ഏറെ കാല താമസം ഉണ്ടാക്കിയതും സ്മരണീയമാണ്.ഇപ്പോഴും ടൂറിസം ലോബ്ബി തന്നെ ചില NGO കളുടെ പേരില്‍ IFC  ക്ക് പരാതികള്‍ അയപ്പിച്ചു ഇപ്പോള്‍ അതിന്റെ പേരില്‍ പഠനം നടത്തി റിപ്പോര്‍ട്ട്‌ സമര്‍പ്പിച്ചു,അതും പദ്ധതിയുടെ കാല താമസത്തിന് ഇടയാക്കി

ഇപ്പോഴത്തെ അവസ്ഥ പാരിസ്ഥിക പഠന റിപ്പോര്‍ട്ടുകള്‍ മലിനീകരണ നിയന്ത്രണ ബോര്‍ഡിന് സമര്‍പ്പിച്ചു അവര്‍ പബ്ലിക്‌ ഹീരിംഗ് നടത്തിയ ശേഷം കേന്ദ്ര പരിസ്ഥിതി മന്ത്രാലയത്തിനു സമര്‍പ്പിക്കും,മന്ത്രാലയത്തിന്റെ അന്തിമ അനുമതി ലഭിചിട്ടെ റെന്ടെര്‍ നടപടികളിലേക്ക് കടക്കാന്‍ കഴിയൂ.ചുരുക്കം പറഞ്ഞാല്‍ പദ്ധതി ഇപ്പോഴും റെന്ടെര്‍ നടപടികളിലേക്ക് കടന്നിട്ടില്ലാത്ത അവാസ്ഥ

ഇത്തരം വെല്ലുവിളികളെ എല്ലാം അതിജീവിച്ചു പദ്ധതി നടപ്പാക്കാന്‍ ഉള്ള കഴിവ് നമ്മുടെ രാഷ്ട്രീയ ഭരണ നേത്രുതത്തിനു ഉണ്ടാകണം,എങ്കില്‍ മാത്രമേ വിഴിഞ്ഞം തുറമുഖം യഥാര്ത്യമാകൂ

തരംഗിണി ഓണ്‍ലൈന്‍ ജൂലൈ ലക്കം പ്രസിദ്ധീകരിച്ചത്

ചിത്രങ്ങള്‍ക്ക് കടപ്പാട് ഗൂഗിള്‍